Манчестер Јунајтед – Челси е првото се англиско финале во лигата на Шампиони. Десет дена по завршувањето на Премиер лигата, островскиот ривалитет добива евро димензија. Двојните освојувачи на Англискиот шампионат во последните четири години вечерва на Лужники се во мисија “освојување на Европа“.Доминацијата на островото ќе се обидат црвените ѓаволи да ја пренесат на европското копно, во годината која по многу нешта е јубилејна за нив. 20 години на клупата за Сер Алекс Фергусон. 40 години од првиот наслов освоен под водство на Сер Мат Базби, како и 50 години од трагедијата во Минхен.
Противникот на Манчестер во финалето е добро познат, но за Челси ова е пат во непознатото. Биографијата на лондонските сини е неспоредлива со онаа на црвените на спортивната страна, но ова е прилика конечно сините да влезат во историјата на фудбалот, кој и тоа како се промени со влегувањето во него на Роман Абрамович.
M.П
