Лидерот на ВМРО–ДПМНЕ, Никола Груевски на прославата по повод 27 години од формирањето на партијата најави внатрешно реструктуирање и кадровско освежување на партиските редови, пренесува „Телма“.
Тој на прославата Музејот на македонската борба пристигна навреме. Камерата на Телма не ги забележа во првиот ред покрај лидерот поранешните министри Гордана Јанкуловска, Никола Поповски и Миле Јанакиевски. До него беа Трајко Велјановски, Илија Димовски, Емил Димитриев и Зоран Ставрески.
Со доцнење пристигнаа Антонио Милошоски, Спиро Ристовски и Коце Трајановски.
Пораката до владеачката СДСМ беше дека за важни прашања може да сметаат на поддршката од ВМРО–ДПМНЕ но, дека ќе направат се за да спречат закони и потези кои ќе бидат на штета на државата.
OhridNews
