Стомачни вируси, проследени со повраќање,диареа, покачена телесна температура, гадење и губење на апетитот се карактеристични периодов во Охрид.
Спец. д-р Јованка Стурлакова Коровешоска од епидемиолошкото одделение при Центарот за јавно здравје вели дека од први јули до денес, лекарска помош побарале 30 пациенти кои имаат стомачни вирози а 25 лица се здобиле со труење од храна.
-Реалната бројка на заболени е поголема со оглед на тоа што сите болни не одат на лекар, туку се лечат во домашни услови. Со намера да се избегнат вирозите, препорачуваме јадење лесна храна, добро измиени овошје и зеленчук и да се избегнуваат месото и месните производи кои се лесно расипливи, истакнува Стурлакова – Коровешоска
OhridNews
