33 решенија за работа во државната администрација, вчера беа доделени на поранешните штитеници на домот за деца без родители, кои најпрво ќе бидат прифатени во Министерството за труд и социјална политика.
Како што истакна ресорниот министер, првиот чекор за вработување на оваа ранлива категорија е направен, а се работи кон трајно решавање на статусот на останатите деца кои до својата 18-годишна возраст растеле без родителска грижа.
Според најавите, во оваа година ќе бидат објавени уште два огласи за вработување на кој шанса ќе имаат да се вработат останатите.
Инаку, за вработување оваа година се издвоени 9,5 милиони денари од државниот Буџет. Огласот беше објавен на 10-ти јануари оваа година, на кој аплицирале 84 лица со ваков статус.
OhridNews
