Владата издвои 4 милиони евра за подршка на започнување бизнис во руралните средини, при што ќе се покриваат 50% од вкупните трошоци за отворање на бизнис.
Освен во земјоделството, подршката се однесува и за другите сектори со исклучок на медицината и фармацијата.
За финансиската поддршка за отворање на бизнис во руралните средини може да аплицираат сите физички лица, трговци, занаетчии, мали и средни претпријатија.
Јавниот повик за аплицирање ќе биде објавен во март, најдоцна април, а заинтересираните субјекти во тој период ќе може да ги достават своите бизнис планови и да конкурираат за добивање на финансиската поддршка.
Со новата програма за финансиска поддршка, според владините проценки може да се отворат околу 1.000 нови бизниси и да се вработат најмалку 1.000 лица.
OhridNews
