Претседателот на Република Македонија д-р Ѓорге Иванов, денес, ќе се обрати на свеченото отворање на Меѓународниот конгрес насловен „Балканот на Евлија Челебија“, посветен на 400-годишнината од раѓањето на познатиот отомански патописец. Конгресот, кој се одржува под покровителство на претседателот Иванов, е организиран од Македонската академија на науките и уметностите (МАНУ) и Центарот за цивилизациски студии при Универзитетот „Бахчешехир“ (МЕДАМ) од Турција.
На Меѓународниот конгрес „Балканот на Евлија Челебија“, на кој ќе учествуваат околу 80 истражувачи од Македонија, Турција, балканските земји и од светот, во текот на четири дена ќе се дискутира од академска перспектива за карактерот на историските, општествените, културните и економските односи на Балканот.
Патеписецот Челебија посетил разни места во Македонија за кои оставил детални записи.
