Со настап на канадско-британската DJ-ка и продуцентка ADRIANNA, во сабота, 22 август, ќе биде заокружена летната UFO сезона во Rebel Ohrid, која во изминатите месеци донесе повеќе познати имиња од светската електронска сцена.
ADRIANNA е основачка на TMPL Music и едно од имињата на новата peak-time techno/house генерација. Нејзиниот звук го карактеризираат driving techno, funky house groove, ударни ритмови и вокални елементи.
Нејзини продукции се објавени за Tronic, Terminal M, Codex, We Are The Brave, Kurai Records и TMPL Music, а нејзината музика добива поддршка од познати артисти како Adam Beyer, Charlotte de Witte, Joseph Capriati, Christian Smith и Nicole Moudaber.
Зад себе има настапи на повеќе познати фестивалски и клубски сцени, меѓу кои Creamfields и Forbidden Forest во Велика Британија, E1 London, Eden Ibiza и Hanger 33 во Монтевидео.
Настапот на ADRIANNA ќе стави точка на богатата летна UFO програма во Rebel Ohrid. Сезоната започна со Artic White, а во текот на летото зад пултот се најдоа Sasha, Victor Ruiz, Marco Bailey, Christian Smith, Nakadia и Anna Reusch, која неодамна го имаше својот прв настап во Македонија.
Со програмата, Rebel Ohrid летово понуди современ електронски звук и настапи на интернационални артисти кои се дел од програмите на познати светски клубови и фестивали.
ADRIANNA @ REBEL OHRID е во сабота, 22 август, со почеток во 23:30 часот, како големо UFO затворање на летната сезона.
Од Rebel најавуваат продолжување на концептот и следната година, со уште побогата програма и нови интернационални гостувања.
OhridNews Promo
