Десетици млади животи згаснаа во борбите за ослободување на Охрид што партизанските одреди ги водеа со фашистичкиот окупатор на 7-ми Ноември 1944 година. Благодарение на нивното херојството 81 годинa подоцна Охрид е слободен град, светска туристичка дестинација, културна престолнина и духовна мека на македонскиот народ.
Охрид за време на Втората светска војна се наоѓал под бугарска окупација. Партизанските единици го ослободиле градот на 15 октомври 1944 година, но за кратко време, бидејќи под притисок на германските сили тие се повлекле. По борбите меѓу партизаните и германските сили ноќта меѓу 7 и 8 ноември Охрид е ослободен од фашистите.
Свеченостите со кои годинава Општина Охрид го одбележува Денот на ослободувањето започнаа вчера со изложбата „Охрид преку делата на Славко и Никола Упечве“ во Куќа на Робевци и свечена академија „Охридска музичка антологија“ што се одржа во ЦК „Григор Прличев“.
Денес предвиени се одбележување на патрониот празник на ЈП „Охридски Комуналец”, положување свежо цвеќе пред спомен – обележјата од НОБ, „Оhrid fly festival“, одбележување на патрониот празник на ЈОУДГ „Јасна Ристеска”, како и Седмоноемвриски концерт на учениците од ОМУ „Методи Патче”.
Поради најавените временски услови со врнежи од дожд од Општина Охрид информираа дека се одложуваат настаните за промоција на албумот „Егрегор“ и концертот на Никола Стојковски и Тања Царовска кои беше планирано да се одржат утревечер во предворјето на црката „Св. Софија“, како и музичко-сценскиот проект „Ехото на Охрид“ во ОСУ „Св. Климент Охридски“ кој требаше да се одржи во сабота.
OhridNews
