„Адиент“, глобалниот лидер во областа на производство на автомобилски седишта, денес официјално ја отворањето својата нова фабрика за производство на навлаки за автомобилски седишта, сместена во технолошко-индустриската развојна зона во Струмица.
Новата фабрика се простира на површина од 12.500 м2 и е опремена со врвна технологија за производство на навлаки за автомобилски седишта, првично наменети за потребите на клиентите на европскиот пазар. Заедно со иницијалната инвестиција од повеќе од 20 милиони американски долари за изградба на оваа „гринфилд“ инвестиција, „Адиент“ ќе вработи повеќе од 1.300 лица
„Mи претставува особено задоволство што пред една година ја најавивме изградбата на нашата нова фабрика, а денес гордо стоиме пред неа ‒ една од најголемите и најмодерни фабрики за производство на автомобилски компоненти во регионот. Оваа инвестиција е уште еден јасен доказ за нашите намери да инвестираме во македонската економија и претставува уште еден важен чекор кон проширувањето на нашата производна мрежа во Европа, што, пак, дополнително ќе придонесе кон обезбедување на нашите клиенти, односно автомобилските компании, со диференцирани производи базирани на квалитет, технологија и перформанси“ ‒ изјави Владимир Теплик, потпретседател на операции на „Адиент“.
На официјалната церемонија за отворањето беа присутни високи владини претставници, амбасадори, претставници од институциите, како и многубројни партнери и соработници на „Адиент“. На настанот се обрати и премиерот Зоран Заев, Џес Л. Бејли, амбасадор на САД во Македонија, како и Виктор Мизо, директор на Дирекцијата за технолошко-индустриски развојни зони, нагласувајќи ја важноста на ваквите инвестиции за македонската економија, како и за позиционирањето на Македонија на глобалната производна карта.
Адиент“ е глобален лидер во производството на автомобилски седишта. Со 75.000 вработени и 230 производни фабрики во 33 земји насекаде во светот. Произведува и испорачува автомобилски седишта за сите класи на возила.
OhridNews
