Изминатиот викенд се одржа Куп на Македонија за сениори/ки каде АК Охрид заврши на седмата позиција во севкупна конкуренција со само тројца атлетичари.
АК Охрид настапи во повеќе дисциплини и Јован Стојоски истрча одличен резултат на 400м со пречки, на само 23 стотинки од државниот рекорд кој е во негова сопственост. Извојува и уште една победа на 200м во вториот натпреварувачки ден.
Стефан Стефаноски настапи во неговата дисциплина фрлање диск за додатни бодови за АК Охрид.
Блаже Љушев настапи во три дисциплини – далечина, 400м пречки и 110м пречки и донесе доста бодови и значаен допринос за севкупниот пласман.
Атлетичарите во периодот кој следува продолжуваат со подготовките за натамошните натпревари оваа сезона.
OhridNews
