Претходната рунда во Премиер лигата, Манчестер Јунајтед на Олд Трафорд со 2-1 го совлада Вест Хем чиј менаџер е „големиот“ Сем Алардајс. ‘
Тој недела дена после натпреварот со „црвените ѓаволи“ изјави дека е разочаран од односот на холандскиот стратег Луис ван Гал кој сезонава седна на менаџерското столче од Јунајтед.
– Разочаран сум од неговиот однос бидејќи после мечот никого не покани на пијалок што сите менаџери домаќини го практикуваат. Јас никогаш нема да дозволам менаџерот на гостинскиот состав да се чувствува неубодно на Аптон Парк – рече популарниот „Биг Сем“.
Ваквиот тренд на дружење на менаџерите после мечот го воведе Сир Алекс Фергусон кој ги покануваше на вино сите гостински менаџери на Олд Трафорд.
Мх.П.
