Поради постоење на основи на сомнение за сторено казнено дело „Кражба“ СВР Охрид поднесе кривична пријава против 20- годишно лице од Поградец Република Албанија, на кое од страна на истражен судија му е одредена мерка притвор во траење од 30 дена.
Пријавениот на 24-ти Јули оваа година, од просториите на „Охридско лето“ бесправно одзел еден фотоапарат „Никон“, а на 10-ти Август годинава извршил уште една кражба од „Охридско лето“ при што одзел еден лап-топ компјутер со дополнителна компјутерска опрема како и неколку стикови. Двете кражби пријавениот ги извршил од канцеларија во НУ „Охридско лето“, искористувајќи погодна прилика и оставена отклучена канцелариска врата.
На 15-ти минатиот месец, од соба во вилата „Флора“ во Охрид каде бил сместен, сега притворениот албански државјанин бесправно одзел еден лап-топ компјутер марка „Ацер“. Делото го направил откако ги забележал туристите како излегуваат од собата и одат на плажа по што со преклучување и незабележан успеал да влезе внатре, да изврши пребарување о одземање на компјутерот. По кратко време, тој го продал лап-топ компјутерот за 2000 денари.
Со извршените кражби , албанскиот државјанин, кој во текот на Јули илегално ја преминал македонско-албанската државна граница, се стекнал со противправна имотна корист од околу 75.000,оо денари.
OhridNews
