Американската амбасада во Македонија се огласи по повод серијата инциденти кои се случија во градските автобуси во Скопје, осудувајќи ги немилите настани. Од амбасадат информираат дека ги поддржуваат напорите на македонската полиција за водење на истрага и спроведување на законски процедури, пренесува „Макфакс“.
„Знаеме дека властите водат истрага за инцидентите и трагаат по извршителите на овие брутални акти. Ги поддржуваме напорите на министерката за внатрешни работи, Гордана Јанкулоска за водење на истрага и спроведување на законските процедури. Се придружуваме кон нејзината осуда на инцидентите и кон коментарот дека етничката припадност на жртвите е ирелевантна за законскиот процес, стои во соопштението
Притоа е упатен повик до засегнати страни да останат смирени, да причекаат фактите за случаите да станат познати и да овозможат да се спроведе законски процес.
„Свесни сме за насилните инциденти што се случија минатата ноќ во кои повеќе младинци беа повредени. Сочуствуваме и упатуваме желби за брзо закрепнување на повредените и на нивните семејства“, се вели во соопштенито.
извор: „Макфакс“
