На „кралевите“ не им тргна баш најдобро во шпанската „Ла Лига“, а излезот од резултаската криза го гледаат во мечевите од Лигата на Шампиони каде се актуелни прваци.
Избраниците на италијанскиот стратег Карло Анчелоти против Базел на „Сантијаго Бернабеу“ ќе ја започнат одбраната на европската круна.
– Мечот со швајцарците доаѓа во вистински момент за сите нас. Против фудбалерите на Базел треба и мора да го покажаме нашиот карактер дека можеме да пребродиме се. Имаме неколку нови фудбалери, а немавме многу време и простор да се воиграме што подобро. Потребен ни е континуитет за подигнување на духот во екипата – рече Анчелоти.
Во шест натпревари кои ги одиграа „кралевите“ сезонава забележаа само две победи, премалку за екипата која во составот ги има Роналдо, Бејл, Крос, Џејмс Родригез и други.
Мх.П.
