Поранешниот лидер на ОВК, Рамуш Харадинај вчера во Советот на Тетово ја прими титулата почесен граѓанин. Oдлуката тетовскиот Совет ја донесе без гласовите на советниците Македонци.
Тоа според лидерот на „Достоинство“, Стојанче Ангелов е преседан и навреда на чувствта на македонскиот народ.
-Локалната самоуправа на Тетово му даде одликување на командант на УЧК кој во 2001 година со своите единици влегувше во Македонија и ги напаѓаше безбедносните сили со цел да отцепи дел од територијата на нашата земја. Но, го видов и стравот кај Македонците во Тетово да го искажат своојот став за овој чин, а советниците Албанци без да ги почитуваат своите сограѓани и колегите советници Македонци донесоа одлука спротивна на Бадентеровото правило. Дали е тоа така кога тие се жалат зошто Бадентеровото правило не се применува? Тие без размислување донесоа одлука со која што го понижија целиот македонски народ.-рече генералот Ангелов на митингот на опозцијата што синоќа се одржа во Струга.
