Меѓународната анкета, спроведена од страна на Вин / Галуп интернешнл, една од водечките асоцијации за истражување на пазарот и јавното мислење, покажа дека повеќе од една половина од испитаните веруваат дека религијата има позитивно влијание во нивната земја.
Додека резултатите за земјите од Западна Европа покажуваат значително пониско позитивно влијание во однос на другите региони.

Ова истражување беше спроведено и на територијата на Македонија од страна на БРИМА, членка на WIN-Gallup International и дел од TNS во ноември 2013 год.

Резултатите од истражувањето во Македонија покажуваат дека 68% од испитаниците сметаат дека религијата има позитивна улога во нивната земја, наспроти 11% кои се изјаснуваат дека религијата има негативна улога. Позитивниот нето скор во Македонија изнесува 57%, што е значително поголем во однос на нето скорот добиен на глобално ниво 37%. Овој скор отстапува од оној на Источна Европа 33%, а интересно е да се напомене дека е најблизок со нето скорот во регионот Америка 54%.

Разгледувајќи ги резултатите по религиозна линија, се забележува дека нето скорот на православните граѓани во Македонија изнесува 49% и е скоро идентичен со нето скорот на православните во светот 47%. Додека нето скорот на анкетираните муслимани во Македонија изнесува 77% и е значително повисок од анкетираните муслимани на глобално ниво 60%.

Во однос на образованието слично како и во светот и во Македонија се забележува дека нето скорот кај оние без образование 76% е повеќе од двојно поголем од оној кај граѓаните со највисок степен на образование (Магистри и Доктори на науки) 36%.

Анализата за резултатите во Македонија утврди дека позитивниот нето скор за улогата на религијата во земјата е под битно влијание на перцепцијата на граѓаните кои со оптимизам гледаат на иднината (очекуваат 2014 да биде подобра од 2013), исто така влијание во иста насока се забележува и кај граѓаните кои општо земено се задоволни од животот кој го живеат ( и кај обете категории нето скорот изнесува 61%)

Во периодот до Велигден, ЊИН / Галуп интернешнл ги објави резултатите од истражувањето кои покажуваат дека нешто повеќе од половина (59%) од 66.806 испитаници, чувствуваат дека религијата има позитивна улога во нивната земја.

Сепак, ова чувство не е одраз за сите региони подеднакво. Западна Европа покажува низок позитивен нето скор од само 4% – бројка што е значително помаала од глобалниот просек (37%). Вкупно има девет земји чиј нето скор е негативен кога е во прашање улогата на религија. Дури шест од тие спаѓаат во регионот на Западна Европа (Белгија, Данска, Франција, Холандија, Шпанија и Шведска). Од овие, Данска има најголем негативен нето скор од -36%, следена од Белгија (-30%), Франција (-22%) и Шпанија (-22%). Спротивно на тоа, најголем позитивен нето скор има Исланд (43%) следен од Португалија (39%), што може да се должи на тоа што овие земји имаат една доминантна религија. На глобално ниво, земјата со најголем негативен нето скор е Либан (-43%).

OhridNews

извор Макфакс