Македонскиот репрезентативец Перо Антиќ и Олимпијакос останаа со “празни раце“ откако Панатинаикос ја освои титулата во Купот. “Детелините“ во големото финале славеа со тесни 71-70.
Последниот напад од мечот, им припаднал на кошаркарите на Олимпијакос, Папаниколау не го погоди шутот за победа, а “црвено белите“ долго време негодуваа на судиската одлука, поради наводен фаул над него.
Капитенот на “македонската фаланга“ за 20 минути поминати на паркетот, имаше солиден скор, 13 поени,пет скока и една асистенција.
Мх.П.
