Повеќе стотици симпатизери на Социјалдемократскиот сојуз на Македонија од Охрид, рано утрово со автобуси и автомобили тргна кон Скопје, каде им се придружија на симпатизерите на здружената опозиција која протестира против донесувањето на Буџетот за 2013 година по итна постапка. Како што изјавија учесници на протестот, попатно возилата со кои патувале симпатизерите на СДСМ од Охрид биле застанувани на неколку наврати од полицијата и била вршена контрола.
Кон Скопје утрово се упатија и повеќе стотици симпатизери на ВМРО ДПМНЕ од Охрид, кои, пак, се придружија на „Фронтот за народот“, кој протестира против спротивставувањето на опозицијата околу донесувањето на буџетот. Демонстрантите пред Собранието се раздвоени од специјалната полиција која во голем број го обезбедува законодавниот дом.
Атмосферата на протестите е крајно тензична.
