Писмото што го упати премиерот Никола Груевски до својот грчки колега, Костас Караманлис за признавање на правата на македонското малцинство во Грција, според портпаролот на влата во Атина, Тодорос Русопулос, претставува повторување на неприфатливи изјави за непостоечки малцинства и обид да постават нови препреки во рамки на разговорите за спорот со името што се водат под покровителство на ОН, јавуваат грчките медиуми.
Наместо да манифестира провокативни акти и тактика, владата во Скопје со дела треба да покаже дека сака решение за спорот и градење на добрососедски односи со Грција, рекол Русопулос. Според него писмото што Груевски го испрати до Караманлис претствува обид за опструкција на преговорите за името. Портпаролот на грчката влада најави дека Караманлис деновиве писмено ќе одговори на писмото од Груевски.
Ohridnews
