Наметнување на свој модел и стил на игра, доста трчање, подобрување на индивидуалните перформанси и следење на модерните фудбалски трендови. најави селекторот на фудбалската репрезетнација под 21 година Бобан Бабунски од Охрид во пресрет на наредниот квалификациски циклус.
За новиот квалификациски циклус Бабунски селектираше нови фудбалери, а голем дел од оние кои ги започнаа подготовките во Охрид беа стандардни во минатиот циклус. – Воиграноста ќе биде нашиот најголем адут, во минатиот циклус игравме натпревари со извонредно јаки репрезентации и навистина тоа беше огромно искуство. Затајувавме во клучните моменти во финализација на шансите, исто така и во одбраната примивме доста голови во последните моменит од мечот, падот на концентрацијата не чинеше скапо – вели Бабунски, кој смета дека прикажаните игри не кореспондираат со освоените бодови на табелата.
Постигнатиот успех на У19 репрезентација под водство на Бочески ќе биде дополнителен мотив за оваа генерација играчи да го повторат тој успех. Неколку фудбалери од таа селекција се дел од тимот на Бабунски кој смета дека оваа селекција е кадарна за успех. – Време е да се фокусираме на постигнување резултати. Имаме многу подобра состојба од таа кога ја наследив селекцијата, голем дел од играчите играат во странство, а оние пак што се во Македонија играат во своите клубови, што е огромна предност – истакна Бабунски.
Георгиев не е заборавен
Фудбалерот на германскиот вторлигаш Падерборн, Драган Георигиев не беше во составот за мечот со Албанија, но според зборовите на селекторот тој не е заборавен. – Георгиев е дел од оваа селекција, меѓутоа овој пат заедно со стручниот штаб се договоривме да ги селектираме овие 22 фудабалери. тој е во оваа геенерција има уште неколку фудбалери кои ќе ги придодадеме , но костурот во тимот е од овие фудбалери кои се тука– завршува Бабунски.
М.П.
