Градоначалникот Никола Бакрачески денес беше во посета на селото Лескоец, со цел да утврди до каде се градежните активности кои ги започна општина Охрид, а се однесуваат на подигање комплетно нов спортски центар, во близина на ОУ „Ванчо Николески“ .
Во првата фаза од проектот, која се очекува да финишира во месец јуни, предвидена е изградба на тревнатиот дел на стадионот за голем фудбал, реконструкција на постојното игралиште за мал фудбал, ракомет и кошарка, изградба на забавно- рекреативно детско игралиште како и реконструкција на соблекувалните.
Во втората фаза од проектот предвидено е да се подига спортска сала од затворен тип, која е неопходна за реализација на наставата по физичка култура за учениците од ОУ “Ванчо Николески“.
Исто така, првиот човек на Охрид го посети и мини плоштадот на крстосницата меѓу улиците „Питу Гули“ и „Марко Нестороски“ во „Горна Влашка мала“, чија изградба е во завршна фаза.
Од локалната самоуправа информираат дека во наредниот период, ќе се уредуваат и останатите три краци од оваа раскрсница, односно просторот околу чинарот и автобуската постојка, а нов лик ќе добијат и тротоарите во овој дел на градот.
OhridNews
