Фудбалерите на Барселона со убедлив триумф (6-1) над Севиља ја надополнија негативата (2-0) од првиот меч и обезбедија пласман во четирите најдобриот во шпанскиот Куп.
Каталонците на Ноу Камп приредија нов натпревар за уживање со фудбалски потези и уште поубави погодоци. Незаборавната вечер во Барселона ја најави Кутињо со гол од пенал во 13-та минута. Во 27-та минута Севиља ја прокоцка шанса за егал, откако Силесен му го стопи ударот од белата точка на Банега. Казната стигна во 31-та минута кога Раќитиќ зголеми на 2-0.
Во 53-та минута и една подоцна Барселона стигна до 4-0. Кутињо со вториот погодок донесе 3-0, а Серхио Роберто погоди за 4-0. Севиља голема доза на неизвеснот внесе со погодокот на Арана за 4-1 и требаше уште еден погодок за полуфинале.
Да нема драма во финишот се погрижија Суарез и Меси. Уругваерцот маестрална контра ја заокружи со погодок, а Меси стави точка на една од подобрите акции во модерниот фудбал.
Барселона е третиот патник во 1/2 финалето. Друштво во ждрепката ќе и прават Валенсија и Бетис кои исто така обезбедија пласман. Последниот четврти патник ќе се дознае после реваншот помеѓу Жирона – Реал Мадрид. „Кралевите“ имаа предност 4-2 од првиот меч.
OhridNews
