Беким Мурати, кандидат на владејачката Демократска Унија за интеграција, е избран за градоначалник на Сарај на вчерашните предвремени локални избори во оваа скопска општина, јавува „Макфакс“.

Според првичните неофицијални информации, Мурати освоил над 7.000 гласови, речиси двојно повеќе од неговиот противкандидат Џевџет Фејзула од опозициската ДПА.

Вонредните избори во Сарај се одржаа откако досегашниот градоначалник, Блерим Беџети, беше именуван за министер за правда.

OhridNews
извор: „Макфакс“