Малопродажната цена на бензините ноќеска на полноќ поевтинува за 2,5 денари, цената на дизелот се намалува за три, а на екстралесното за 3,5 денари.Вака денеска одлучи Регулаторната комисија за енергетика на својата редовна седница посветена на корекција на цените на нафтените деривати.
Согласно одлуката, новата цена на Еуросупер-95 изнесува 58,00 ден/лит, на Еуросупер-98 59,00 ден/лит, на Еуросупер БС-95 изнесува 59,50 ден/лит и на Еуросупер БС-98 изнесува 61,00 ден/лит.
Еуродизелот од ноќеска ќе се продава за 46,00 ден., а екстралесното масло за домаќинство за 34,50 денари за литар.
За 1,3 денари по килограм се намалуваат и малопродажните цени на мазутот.
ohridnews
