Како дел од активности во здравствено-превентивната дејност, Црвен крст Охрид во рамки на одбележувањето на Светскиот ден на здравјето, 7-ми април денеска на Градскиот плоштад, ќе организира бесплатни здравствени прегледи, а стручни лица ќе даваат едукативни, корисни совети за граѓаните.
Исто така на платото пред споменикот на Св. Климент Охридски тимовите за прва помош на Црвен крст Охрид ќе вршат презентација на знаења, вештини и техники за укажување прва помош, а ќе биде организирана и промоција на здрави животни навики и здрава храна од страна на Био Космос.
Настанот е во насока на подигање на нивото на свест кај населението за практикување на здрави животни навики и правилна грижа за здравјето.
OhridNews
