Без дефинирани пловни патишта за влез и излез од пристаништето и каналот каде се паркираат пловните објекти не може да се зборува за безбедност во водниот сообраќај. – Не смее да се дозволи тоа произволно да го прават сопствениците на пловните објекти, велат стручните лица. Пловните патишта се едни од основните фактори кои придонесуваат за зголемување на безбедноста во водниот сообраќај, додаваат тие.
На Охрид му недостасува езерска марина, на 25 до 30 метри од брегот пловат моторизирани објекти со што се доведуваат во опасност капачите.
Не постои подзаконски акт за безбедност навигација и комуникација, капетаните на бродовите комуницираат со мобилни телефони. Мора да постои систем на радиоврски, односно континуирана радио врска помеѓу капетанијата и бродовите.
Ова се само дел од подзаконските акти кои недостасуваат и кои треба што поскоро да бидат донесени доколку сакаме да зборуваме за зголемување на безбедноста во водниот сообраќај, предупредуваат стручните лица.
Ohridnews
