Напредок во однос на безбедноста на плажите има, но не според очекувањата и потребниот интензитет, вели претседателот на општинскиот Црвен крст, Сашо Точков. “ Добро би било ако надлежните извлечат поука од двете несреќи кои летово се случија со педалинки, при што животот го загубија млади луѓе. Крајно време е да се сфати суштината и неопходноста од обезбедувањето на капалиштата и да се направи повеќе на овој план” , рече Точков.
Спасувачките екипи при Црвениот крст се задоволни од направеното оваа туристичка сезона. Спасителите имале преку 30 успешни интервенции на извлекување и спасување на давеници и над 200 интервенции за укажување на прва помош.
Се работи и на оспособување на бродот амбуланта, кој наскоро ќе може да се користи за брза интервенција и транспорт на давеници и повредени.
OhridNews
