Ноќеска 00:50 часот, при контрола во кабаре лоцирано на булевар „Железничка“ и во угостителски објект на улица „Кузман Јосифоски Питу“ во Охрид, утврдено е присуство на малолетни лица на кои им било овозможено, точење и консумирање алкохол.
По целосно документирање на настанот, против правните и одговорните лица, ќе бидат поднесени пријави согласно член 21 од Законот за прекршоци против јавниот ред и мир и членот 204 од Кривичниот законик, информира портпаролот на СВР Охрид Стефан Димоски.
На 29.11.2025 година во 16:20 часот, во СВР Охрид било пријавено дека жена од Охрид, во семејниот дом, физички го нападнала нејзиниот сопруг. По целосно документирање на настанот, ќе биде поднесена соодветна пријава.
На 30.12.2025 година во 07:45 часот, во СВР Охрид е пријавено дека, во Општата болница во Охрид, бил донесен 34-годишен жител на Охрид кај кого биле констатирани повреди од остар предмет.
Се преземаат мерки за целосно расчистување на случајот, соопшти Димоски.
Ноќеска во 02:30 часот, на улица „Илинденска“ во охридското село Велгошти, лишени од слобода се три лица сите од истото село.
Тие се затекнати во дом каде, полициските службеници од криминалистичката полиција при СВР Охрид, по судска наредба, извршија претрес и пронајдоа најлонски опаковки со бела прашкаста материја и со опојна дрога марихуана како и други предмети со остатоци од дрога. Истите се одземени и по целосно документирање на настанот, против нив ќе бидат поднесени соодветни пријави# информира портпаролот Димоски.
OhridNews
