Блатото полно со вода

Обилните врнежи оваа зима го рехабилитираа Студенчишкото блато. Под вода се големи површини од блатото кое е природно живеалиште на бројни живи организми и ендемски видови неопходни за одржување на балансот на Охридското Езеро. Некогаш овој природен филтер на езерото кој служи и како заштита  од поплави се протегал на многу поголема површина. Со изградбата на патеката до Горица и урбанизацијата, површината на блатото е драстично намалена. Поради се поголемите апетити на човекот постои реална опасност овој природен резервоар наскоро да биде дополнително намален и урбанизиран, што според стручните лица ќе има несогледливи последици врз еко системот.