На седницата на Советот на општина Охрид закажана за денеска, советникот од ЛДП Дејан Блажески, најави дека ќе покрене иницијатива 23-цата советници да донираат дел од паушалот за месец јуни во хуманитарни цели, односно за помош на 18-годишната Ангела Попоска, која се бори со тешка болест.
Ангела која боледува од рак на коските треба итно да замине на операција во Виена Австрија, за што се потребни 2500 евра.
Советникот Блажески предлага овие трошоци со кратење на дел од хонорарот на советниците да ги покрие локалната самоуправа, што како официјален предлог ќе биде изнесен на денешната седница на градското собрание.
