Поради блокада на граничниот премин Блаце од страна на македонските превозници, сообраќајот за сите видови возила е во прекин во двата правци, информираат од АМДМ. Блокадата започна синоќа пред 20 часот кога македонските превозници од здружението „Макамтранс” го блокираа граничниот премин Блаце, поради одлуката на властите во Приштина да се забрани увозот на македонски производи на Косово.
На другите гранични премини нема подолготрајни задржувања за влез и за излез од државата, но оваа информација се однесува само за македонската страна на премините.
Интензитетот на сообраќај на патните правци надвор од градските средини е зголемен, а сообраќајот на сите други државни патишта низ државата се одвива непречено, по суви и чисти коловози.
OhridNews
