Вечерва со почеток во 21:10 часот во спортската емисија на Македонската телевизија (МТВ 1) во директен пренос ќе се изврши извлекување на паровите за 1/2 финале од Купот на Република Македонија во организација на ФФМ.
Во барабанот ќе се најдат прволигашите Металург, Напредок, бранителот на трофејот Тетекс и лидерот во второлигашката конкуренција Тиквеш.
Охриѓанецот на клупата на Напредок, Драган Бочески кој со Напредок има едно учество во финалето 2004, очекува неговиот тим да го повтори тој успех, но и да од чекор понапред. – Тиквеш е тимот кој го посакувам во полуфиналето. Но и да добиеме некој од прволигашите, нема лесно да помине со нас – вели Бочески.
Единствено Тетекс во оваа четворка се издрувал на триумф во финалето, тој успех ги става “штофарите“ во фаворитска улога во пресрет на одлучувачките пресметки.
М.П.
© Ohridnews.com. All rights reserved.
The content of this article, should not be printed, copied or published in any way, without permission by Ohridnews.com