Охрид Лоте со 3-2 ја совлада Победа Јуниор и прокнижи три нови бода во меч кој покрај големата желба за победа го одбележа судијата Валтон кој оправдано им покажа три црвени картони на гостите.
Едно полувреме им беше потребно на актерите наа мечот да се “загреат“ и да покажат што знаат им умееат пред малубројната охридска публика. Први во предност дојдоа домаќините во 53 минута кога по додавањето на Далчев, Китрозоски го совлада Апостоловски. Петнаесетина минути во предност беа “градежниците“ кога дојде 67 минута кога настана “бурата“ во Охрид.
Прво гостите изедначија на 1-1 преку Карчески кој со глава го совлада Капрически по продорот и центаршутот на Талесеки. Само една минута подоцна “црвено-жолтите“ повторно дојдоа во предност. Стрелецот на првиот гол Китрозоски продре по десната страна се ослободи од Вељаноски и го проигра Бакулекси кој со удар по земја по втор пат на мечот го совлада несиугурниот Апостоловски. Ниту гостите не чекаа многу и брзо возвратија преку Гиноски кој доби употреблива топка во празно од Петрески и со удар по земја го матираше Капрически.
Пет минути подоцна охриѓани по трет пат во мечот дојдоа во предност. Вељаноски нафрли во казнетиот простор Толески беше најснаодлив во мешаницата биеше,одбрани Апостоловски а на одбиената топка натрча Далчев и ја смести во празната мрежа. Овој гол предизивка бурни реакции кај гостинската екипа.
Во протестите предничеше голманот Апостолоски кој го нападна главниот судија . Поради удирање и плукање Валтон му го покажа патот кон соблекувалната. По ваквата реакција гостите останаа со играч помалку.
Во 90 минута поради протест втор жолт картон заработи и Карчески, а по последниот судиски свиреж поради неспортски однос втор жолт, односно црвен заработи и Вељаноски.
Мх.П.
