Амак СП – МЗТ Скопје е најпривлечниот од четирите четврт финални натпревари на завршницата на куп натпреварувањето кое од денес до недела ќе се игра во Охрид. Охриѓани ќе вксртат со МЗТ тим кој не им буди баш пријатни сеќавања. Ниту капитенот Богоев нема убави спомени од последните две финалина на кои тој партиципираше.
– Имам две лоши искуства во овие куп натпревари кога на два пати во финалето со Струмица бевеме поразени. Еднаш во Битола од Вардар, еднаш од Фени во Кавадарци и се надевам на трета среќа – вели капитенот Ефтим Богоев.
Куп натпреварите отсекогаш носеле возбудувања и изненадувања, се игра по еден натпревар во кој се е можно. Амак Сп го има потешкиот распоред на патот до финалето и секој натпревар мора да го одигра максимално.
– Екипата е подготвена, во купот одлучува моменталната желба, инспирацијата која е најголемиот фактор за победа во еден натпревар, која кај нас ја има во изобилство – истакна Богоев
Богоев ја повика охридската публика во што поголем борј да дојде во салата да му даде посебен декор на ова натпреварување.
М.П.
