Градот домаќин на финалната битка во Копа Либертадорес, Мадрид и шпанската полиција ги презедоа сите потребни мерки за заштита и ред и мир после пристигнување на Бока Јуниорс во Шпанија. Вкупно 2 500 полицајци се грижеа клупскиот автобус на Бока Јуниорс безбедно и без проблеми да стигне до хотелот каде што се сместени, а исти третман ќе добие и Ривер Плата, што пристигне во Мадрид.
Над 5 000 навивачи од стадионот до аеродромот во Буенос Аирес ја испратија експедицијата на Бока која в недела на „Сантијаго Бернабеу“ ќе бие битка за титулата во најелитното клупско натпреварување во Јужна Америка. Натпреварот е прогласен со висок ризик и шпанската полиција голема доза на помош ќе добие и од аргентинската разузнавачка служба која ќе биде задолжена за навивачите кои ќе допатуваат од Аргентина.
Scenes!
How Boca Juniors fans saw their team off to face River Plate in Madrid… pic.twitter.com/s4OIK989CS
— BBC Sport (@BBCSport) December 5, 2018
Реваншот кој требаше да се одигра на „Монументал“ стадион два пати беше одложен, откако симпатизери на Ривер Плата со тврди предмети и солзавец го нападнаа клупскиот автобус на Бока Јуниорс. Докторите од Јужноамеричката федерација одлучија дека фудбалерите на Бока се потешко повредени и дека не ќе можат да играат.
После големи преговори првите луѓе на Јужноамеричката федерација пресекоа и го одбраа стадионот на Реал Мадрид за домаќин на реваншот. Двете екипи добија по 5 000 влезници за продавање во Аргентина, а уште 15 000 за продавање во Европа.
OhridNews