Борусија Дортмунд на својата интернет страница го потврди трансферот на германскиот репрезентативец Андре Шурле (25). За трансферот на Шурле, Борусија издвои 30 милиони евра.
„Тој е играч кој има 25 години и богато интернационално искуство. Неговиот квалитет многу ќе ни значи во наредната сезона“, рекол спортскиот директор на Борусија, Михаел Цорк, пренесува „Макфакс“.
Шурле, кој е поранешен фудбалер на Мајнц, Баер Леверкузен, Челзи и Волфсбург, со Борусија потпиша петодишен договор.
Со неговиот трансфер тренерот Томас Тухел формира репрезентативно трио (Геце, Ројс, Ширле) кое ќе игра зад напаѓачот Обамејанг.
Андре Шурле е осмото и воедно најскапото засилување за Борусија во преодниот рок. Претходно на Вестфален пристигнаа: Усман Дембеле (Рен, 15 млн евра), Рафаел Гереиро (Лориен, 12 млн евра), Себастијан Роде (Баерн Минхен, 15 млн евра), Марк Бартра (Барселона, 8 млн евра), Емре Мор (Нордсјиланд 9 млн евра), Микел Морено (Осасуна 4 млн евра) и Марио Геце (Баерн Минхен 23 млн евра).
OhridNews
