Повторно дама на челното место во Охридска банка-Сосиете женерал. Досегашниот прв човек на банката, Јитка Пантучкова, заминува во пензија, а на нејзино место, на функцијата претседател на Управен одбор ќе седне Бранка Павловиќ, објави Утрински Весник. Новата директорка во Македонија доаѓа од Црна Гора, каде што од 2009 година се наоѓа на челната позиција, поточно на местото на главниот извршен директор на Сосиете женерал Монтенегро.
Во 2012, а и во минатата година, светскиот финансиски магазин „Банкер“ ја прогласи Сосиете женерал Монтенегро за банка на годината во Црна Гора. Павловиќ во Црна Гора дојде во 2009 од Сосиете женерал Србија и е прва жена на чело на банката во рамки на Сосиете женерал групацијата.
Досегашната претседателка на УО на Охридска банка – Сосиете женерал, Јитка Пантучкова, успешно ја раководеше банката од ноември 2009 година. Пантучкова во Македонија дојде од Комерчни банка, Сосиете женерал груп од Чешка, каде што беше член на Одборот на извршни директори.
Замената на претседателот на УО треба да се реализира од почетокот на идниот месец, до кога треба да завршат и законските процедури.
OhridNews
Извор:„Утрински Весник“
