Учениците од охридската гимназија со голем број освоени награди на неодамна одржаните натпревари по математика и германски јазик.
На Републички натпревар по математика, на кој учествуваа вкупно девет ученици од ова средно училиште, седум освоија награди. Првата награда ја понесе ученичката Теодора Бујароска, втора награда Виктор Домазетоски и Никола Буџакоски, трета награда освоија учениците Милијана Шулајкоска, Мартина Трифуноска и Ирина Ристевска, а пофалница и беше доделена на Христина Хаџиева.
Учениците од прва година се натпреваруваа под менторство на професорката Вера Јовческа , од втора година под менторство на професор Валентин Чачор и од трета година на професор Сузана Недеска Маркоска.
Учениците од охридската гимназија беа меѓу најуспешните и на Републичкиот натпревар по германски јазик.
Две ученички од „Св. Климент Охридски“ се закитија со високи награди. Исидора Јанева ја освои првата награда, а додека пак Дамјана Видическа втора награда.
Ментор на ученичките Јанева и Видическа е професор Цвета Дамчевска.
