Најдобриот чешки ракометар, Филип Јиха, ќе отсуствува од терените најмалку шест недели, откако се реши да го оперира скочниот зглоб на левата нога.
„Болките коишто ги имав веќе беа неподносливи, поради тоа во консултација со лекарскиот тим заклучивме дека е најдобро скочниот зглоб да биде опериран. Се надевам дека по рехабилитацијата повторно ќе бидам подготвен да играм врвен ракомет“, изјавил Јиха за интернет страницата на својот клуб Кил.
Паузата која му престои на Јиха значи дека тој нема да биде во составот на Кил за мечот со Металург во Лигата на шампионите на 18-ти октомври, но тој нема да може да и’ помогне на својата репрезентација, која во рамките на квалификациите за пласман на ЕП, на 2-ри ноември ќе ја пречека Македонија.
„Макфакс“
