По повод верскиот празник Рамазан Бајрам, градоначалникот Александар Петрески и претседателот на Советот на општина Охрид Душко Јаковчески упатија честитка до граѓаните на Охрид со исламска вероисповед.
-Ви посакуваме овој голем празник да го поминете во добро здравје, радост, среќа и хармонија, споделувајќи љубов со ближните. Преку меѓусебното почитување и толеранција , овој голем празник Рамазан, ги потврдува универзалните вредности на човекољубието и заедничкото во различните верски определби.
Веруваме дека граѓаните со исламска вероисповед од Охрид, како нераскинлив дел од македонското општество и натаму ќе бидат активни чинители во градењето на соживот и меѓусебно разбирање- се вели во честитката на градоначалникот Александар Петрески и претседателот на Советот на општина Охрид Душко Јаковчески.
OhridNews
