– Горд сум што сум првиот кајакар кој го заобиколил езерото – рече Ристо Чуркоски видно возбуден по пристигнувањето во Струга со што тој стана првиот кајакар кој по воден пат го заобиколи Охридското Езеро. Одисејата на струшкиот ветерен долга 90 километри, траеше 8 часа и 20 минути. Тој од Струга, го посети Охрид, потоа Поградец па Лин, по што се врати во родната Струга.
– Јас сум пријател на езерото и тоа ми врати со сето свое гостопримство. Одлично бев пречекан и испратен на албанската страна на езерото. Одлична беше и соработката со пограничните служби на кои им изразувам голема благодарност – рече Чуркоски кој посака подршката на трите градоначалници да продолжи во иднина и овај маратон да стане традиоцинален.
Во тимот на Чуркоски беше олимипиецот Михајло Ристевски и докторот Брчески. – Секој маратон е тежок, ова што го направи Ристе е еднакво на сеназација – рече олимпиецот Ристевски, кој со еден збор ја прифатил поканата на Чуркоски да биде дел од неговиот тим.Добро е кога тимот победува, посебно што докоторот во тимот го поминал патешествиетот без никаква посериозна интервенција. – За ваков подвиг треба да бидете подготвени физички и психички, Ристе денес покажа дека е во врвна форма. Многу помлади кајакари не би можеле да го сторат ова. Лично имав причина за само една помала интервенција, се случи на делницата од Трпејца до Поградец, Чуркоски имаше една помала криза. Меѓутоа ги превзедовме сите мерки и ја пребродивме кризата, пред и потоа вршевме само редовни контроли на пулсот и крвниот притисок – истакна д-р Брчески.
Чуркоски им порача на младите спортисти напорно да работата да ги следат своите желби и еден ден и тие да го остварат својот сон, како што тој го оствари својот.
М.Постоловски
