Стружанецот Ристе Чуркоски утрово од 7.30 ќе ја започне одисејата по Охридското Езеро. Најтрофејниот македонски кајакар на мирна вода, на државниот празник ќе стане првиот што во кајак-маратон го обиколил Охридско Езеро.
–
Сам ќе веслам, а ќе ме следи тим од новинари, лекар, претставници на општините Охрид, Струга и Поградец. Кајакари веслаат локално, од град во град, но досега целиот круг, кој има 90 км, никој го нема поминато одеднаш – вели Чуркоски.
Идејата за кајак-маратон има поддршка од трите општини, Охрид, Струга и Поградец. Тој смета дека со маратонот ќе се поттикне развојот на туризмот воопшто во двете земји, особено за оние што сакаат активен туризам.
Годинава маратонот ќе биде на 8 септември, но во иднина има размислување датумот за овој маратон да биде на 21 јуни, Денот на Охридско Езеро. Предвидено е соло-маратонот на Чуркоски да почне во Струга, а по неколку застанувања во градовите и местата на брегот, тој да заврши околу 17-18 часот, одново во Струга.
М.П.
© Ohridnews.com. All rights reserved.
The content of this article, should not be printed, copied or published in any way, without permission by Ohridnews.com