Фудбалер од клубот Раштак нападнал судија на натпревар во скопското село Марино, а во Тетово поголема група навивачи се обиделе на ги нападнат гостинските играчи, а потоа нападнале полицаец, соопшти МВР.
Hа фудбалското игралиште во село Марино, на натпреварот помеѓу екипите Бунарџик и Раштак, играч на фудбалскиот клуб Раштак нападнал судија откако му доделил црвен картон.
Револтираниот фудбалер го удирал судијата во пределот на лицето, по што натпреварот бил прекинат.
Во спортската сала на средното медицинско училиште „Никола Штејн“ во Тетово на натпревар во мал фудбал меѓу екипите на фудбалскиот клуб „Елита“ од село Слатино и клубот „Алгомак“ од Свети Николе, вчера група од 10-15 лица се обиделе да ги нападнат гостинските играчи.
Полицајците ги спречиле напаѓачите, но потоа две од лицата почнале да ги омаловажуваат полицајците со погрдни зборови и пцовки.
При приведувањето дваесет и двегодишно лице нападнал еден полицаец во пределот на градите. Двајца се приведени, а полицијата работи на расчистување на натпреварот.
Ohridnews
