Цврст отпад изваден при вонредни активности за чистење на ревизиони шахти на „Даме Груев“. И покрај сите апели на ЈП „Нискоградба“ до граѓаните за совесно постапување со цврстиот отпад и правилно депонирање на истиот, велат совеста сеуште ниска.
Ваквото третирање на цврстиот отпад од страна на граѓаните и правните лица при вршење на градежни работи доведува до запушување на канализационните линии кое пак се рефлектира на нормалното третирање на отпадните води и појава на дефекти. Освен загрозување на здравјето на луѓето и животната средина повлекува и големи материјални трошоци за санирање на истите кое пак од друга страна значи и кратење на некои планирани инвестиции во инфраструктурата, велат од претпријатието.
Повторно апелираат до граѓаните да обрнат поголемо внимание при складирање на цврстиот отпад, а воедно и да дадат придонес доколку забележат вакви појави, да ги евидентираат и испратат на ФБ страната на претпријатието, за да, велат, заедно да придонесат за поубав и почист град.
OhridNews
