На денешен ден во Крушево е роден Тоше Проески. Во скромно но чесно семејство кое својот син го одгледало всадувајќи му ги највисоките морални и човечки вредности. Момчето кое од Крушево тргна со својата музика да го освои светот со себе ги понесе силната верба во Бога и љубовта како патоказ до срцата на луѓето. Тоа беше вистинската формула за кратко време да го освои Балканот и да стане идол и пример за милиони луѓе.
Со својот ангелски глас стана поп икона на денешницата, неговата популарност се прошири со огромна брзина и во времето кога требаше светот да чуе за него, неговиот млад живот згасна во кобното утро на 16 октомври 2007 година во тешка сообраќајна несреќа што се случи кај Нова Градишка – Хрватска.
Да беше жив Тоше денес ќе го славеше 31-от роденден.
По повод роденденот на нашата најголема музичка звезда Тоше Проески, група граѓани од Охрид денеска ќe го посети Крушево и вечното почивалиште на прерано починатиот пеач.
Посетата на Крушево ја организира здружението за Македонско -Српска соработка „Коста Абрашевиќ“, со поддршка на локалната самоуправа.
OhridNews
