Новата Влада денеска предложи пакет економски мерки, во кои се предвидува намалување на Данокот на додадена вредност за туристички услуги од 18 на 5 проценти.
– Покрај субвенциите за туроператорите за носење странски гости, намалувањето на стапката на ДДВ за ноќевањата, сместувањата со појадок, полупансионите и полните пансиони во сите видови комерцијални угостителски објекти се очекува да ги намали цените на услугите на хотелските и другите сместувачки капацитети за износот на намалениот данок, угостителските објекти да бидат поконкурентни на пазарот, да се зголеми бројот на домашни и странски туристи, да се зголеми профитот, како и осовременување на објектите, нивна реконструкција или проширување. –истакна премиерот Груевски
Со новиот пакет мерки се предвидува поевтинување на зелениот картон за патничките и товарните моторни возила од први септември, намалување на данокот на додадена вредност од 18 на 5 отсто за за прометот и увозот на суровото масло кое се употребува при производството на масло за јадење, а даночните обврзници чиј вкупен приход остварен претходната година по сите основи не изнесува повеќе од три милиони денари целосно ќе бидат ослободени од обврската за плаќање данок на добивка.
OhridNews
