Загревањето со домашните диџеи Александар и Бабура започна во 22 часот, а Гета на големата сцена се појави околу 1 часот, проследен со овации.
Одличниот звук беше пропратен со светлечните ефекти, а на сцената се појавија и познатите „Kyroman“ роботи. Публиката беше фантастична и ги пратеше вокалите од песните на Гета, кој својот настап го заврши нешто пред 4 часот. Полн со импресии за македонската публика тој и се заблагодари за прекрасната вечер пуштајќи песна од својата продукција која за прв пат се изведува на концерт.
Дејвид Гета е најголема ѕвезда меѓу диџеите со пет номинации и две освоени Греми награди, како и 18 милиони продадени албуми. Има милион следбеници на Твитер и дури 19 милиони лајкови на Фејсбук, преку 500 милиони кликови на you tube. Тој е крал на Ибица. Автор е на хитовите: “When Love Takes Over” (Kelly Rowland), “Sexy Bitch” (Akon), “I Gotta Feeling” (Black Eyed Peas), “Who’s That Chick” (Rihanna), “One Love” (Estelle), “Sweat” (Snoop Dogg), “Party & Bullshit” (50 Cent), “Acapella” (Kelis), “Revolver” (Madonna), “Memories” (Kid Cudi), “Getting Over You” (Chris Willis, Fergie & LMFAO), “Club Can’t Handle Me” (Flo Rida), “The World Is Mine”, “Just a Little More Love”, “Stay”, “How Soon Is Now”, “Love Don’t Let Me Go” и ееден од музичарите кој остави голем музички белег во изминатата деценија.
Сите кои беа на концертот во Охрид, што го организираше „Авалон“ продукција, уживаа во спектакуларен настап на Дејвид Гета.
фото: Емилио
