Граѓани поднеле иницијатива до Уставниот суд за оценување на уставноста на правилникот за новите регистарски таблички, јавува „Макфакс“.
Тие сметаат дека табличките на автомобилите треба да бидат на кирилица, како официјално писмо на македонскиот јазик, а не на латиница како што наложува правилникот.
“Додека водиме битка по светските и европските институции да докажеме кои сме, да го одбраниме идентитетот се организираат манифестации протести и петиции, од и во институции и луѓе од туѓината, кои го подриваат Македонскиот идентитет и неговите атрибути со разни постапки, Македонската државна институција избегнува да стави во службена употреба, суштествен дел од Македонскиот државен идентитет, писмото кое е создадено на овие простори – Кирилското, македонското службено писмо “ се вели во иницијативата до Уставниот суд.
Новите таблички треба да почнат да се користат од средината на следниот месец.
извор: „Макфакс“
