Премиерот Никола Груевски за заменик министер за одбрана го предлага Емил Димитриев, кој и досега ја извршуваше оваа функција, за заменик министер за внатреши работи Џељаљ Бајрами, за заменик министер во Министерството за правда Биљана Бришкоска-Бошковски.
Зоран Петров повторно е предложен да ја извршува функцијата заменик министер за надворешни работи. За заменик на министерот за финансии премиерот го предлага Недим Ремизи, а Катерина Костеска за заменичката функција во економија.
За заменик на министерот во Министерството за земјоделство, шумарство и водостопанство се предлага Зоран Коњановски, додека заменичката функција во здравство му е доверена на Јовица Андоновски. Заменик министер во Министерството за образование ќе биде Сафет Незири, а Ибрахим Ибрахими во Министерството за труд и социјална политика.
На оваа функција во Министерството за локална самоуправа е предложен Сашо Лазаровски, Драган Недељковиќ останува во култура, како и Марта Арсовска Томовска во Министерството за информатичко општество и администрација. За заменик на министерот во Министерството за транспорт и врски премиерот го предлага Тахир Хани, а во Министерството за животна средина и просторно планирање Стево Темелковски.
