Министерството за образование денес, распишува Конкурс за прием на студенти во државните студентски домови, при што студентите ќе може конкурираат за 6.369 слободни места.
Распределбата ќе се врши согласно новините од неодамна изгласаниот Закон за студентски стандард.
Предност ќе имаат оние студенти кои се од најранливите категории, а државата во целост ќе ги надомести трошоците за исхрана и сместување на оние студенти чии родители имаат приход до 8.000 денари, односно под минималната плата, а за овие категории на студенти опфатеноста е 40 проценти од вкупниот број на легла.
– Целта е да се намалат сите влијанија, ургенции и обиди да се влијае на сместувањето од каква било гледна точка. Не само да говориме за партискиот елемент туку навистина да се постави систем во кој врз основа на социо-економскиот статус на студентот и на неговото семјество ќе се даде правичен пристап во сместувањето“изјави министерот за образование Спиро Ристовски.
